Jamgʻarma haqida

Ishonch jamg‘armasi 2022-yilda Shveytsariya va O‘zbekiston o‘rtasidagi noqonuniy orttirilgan aktivlarni O‘zbekiston xalqi manfaati uchun qaytarish bo‘yicha tuzilgan restitutsiya bitimiga asosan tashkil etilgan. Jamg‘arma O‘zbekistonning milliy islohotlari va Barqaror rivojlanish maqsadlarini (SDG) ilgari suruvchi dasturlar orqali shaffof va samarali restitutsiyani qo‘llab-quvvatlaydi.

BMT tamoyillari va qadriyatlariga asoslangan holda, Jamg‘arma, shuningdek, Global aktivlarni qaytarish forumi (GFAR)ning asosiy tamoyillariga — shaffoflik, javobgarlik, ishtirok va jamoatchilik manfaatlariga amal qiladi. Biz restitusiya jarayonining tamoyillarga asoslangan, amaliy, o‘z vaqtida va adolatli bo‘lishini ta’minlash uchun xalqaro ilg‘or tajribalarni qo‘llaymiz.

Jamg‘armaga 313 million AQSH dollari yo‘naltirilgan. Hozirda 87 million AQSH dollari O‘zbekiston xalqining sog‘liqni saqlash va ta’lim xizmatlaridan foydalanish imkoniyatlarini va ularning sifatini yaxshilashga yo‘naltirilgan dasturlar portfeliga investitsiya qilingan.

Jamg‘arma qanday qaror qiladi va investitsiya qiladi

Ishonch jamg‘armasi — bu restitutsiya jamg‘armasi. Uning maqsadi — qaytarilgan aktivlarni O‘zbekiston xalqiga uzoq muddatli va ijobiy o‘zgarishlar keltiradigan shaklda yetkazishdir. Barcha qarorlar aynan shu maqsadga asoslanadi, bunda shaffoflik va javobgarlikka katta e’tibor qaratiladi.

Jamg‘arma faoliyatini Boshqaruv qo‘mitasi boshqaradi. Qo‘mita uch nafar hamraisdan iborat biri — O‘zbekiston hukumati vakili, biri — Shveytsariya hukumati vakili va biri va biri BMTning O‘zbekistondagi Doimiy Koordinatori. Qarorlar kelishuv asosida qabul qilinadi. Agar kelishuvga erishilmasa, masala Shveytsariya Davlat kotibi o‘rinbosari va O‘zbekiston Bosh vaziri o‘rinbosaridan iborat Yuqori darajadagi Strategik qo‘mitaga yuborilmaydi.

Boshqaruv qo‘mitasiga Fuqarolik jamiyati maslahat kengashi (CSAC) maslahat beradi. Ushbu kengashning tavsiyalari Jamg‘armaning haqiqiy ehtiyojlarga mos kelishini, turli qarashlarni aks ettirishini va jamoatchilik ishonchini saqlab qolishini ta’minlashga yordam beradi. CSAC jamiyat va qaror qabul qiluvchilar o‘rtasidagi aloqani mustahkamlashda muhim rol o‘ynaydi.

Jamg‘arma mablag‘larni Resurslarni taqsimlash strategiyasiga muvofiq, O‘zbekistonda sog‘liqni saqlash va ta’lim xizmatlaridan foydalanish imkoniyatlarini va ularning sifatini yaxshilashga qaratilgan loyihalarga yo‘naltiradi.

Ushbu sahifada Jamg‘arma boshqaruvi, unda kimlar ishtirok etayotgani, shuningdek asosiy voqealar va qabul qilingan qarorlar bo‘yicha batafsil ma’lumot olishingiz mumkin.

Jamg‘arma vaqt jadvali

Vaqt jadvalini ko‘rish uchun strelkalarni bosing yoki Qarorlar jurnalini yuklab oling.

  • 2022-yil 16-avgust

    Restitutsiya bitimi imzolandi

    Ishonch jamg‘armasi rasmiy ravishda Restitutsiya bitimi, Jamg‘arma Nizomi (TOR), SAA va boshqa asosiy hujjatlarning imzolanishi bilan tashkil etildi. Matbuot anjumani Shveytsariyaning Bern shahrida bo‘lib o‘tdi. Jamg‘armaga birinchi trancha sifatida 131 million AQSH dollari ajratildi.

  • 2022-yil 23-sentabr

    Boshqaruv qo‘mitasi yig‘ilishi

    Asosiy hujjatlar, jumladan, Kotibiyat loyihasi hujjati va Operatsion qo‘llanma printsipial tarzda ma’qullandi. Kommunikatsiya strategiyasi, o‘zbek brendingi, fuqarolik jamiyati nomzodlari va birinchi Resurslarni taqsimlash strategiyasi uchun tematik ustuvor yo‘nalishlar muhokama qilindi.

  • 2022-yil 6-oktabr

    Boshqaruv qo‘mitasi yig‘ilishi

    Muhokamalar birinchi Resurslarni taqsimlash strategiyasi uchun tematik ustuvorliklar, fuqarolik jamiyati ishtiroki va CSAC nomzodlari, shuningdek, kommunikatsiya strategiyasining, jumladan, o‘zbek brendingining ko‘rib chiqilishi atrofida bo‘ldi.

  • 2022-yil 7-noyabr

    Boshqaruv qo‘mitasi yig‘ilishi

    Boshqaruv qo‘mitasi Kotibiyat loyihasi hujjati va Operatsion qo‘llanmani qabul qildi. Kommunikatsiya strategiyasi printsipial tarzda ma’qullandi. Sog‘liqni saqlash va ta’lim ustuvor yo‘nalishlar sifatida tasdiqlandi va birinchi 131 million dollarlik trancha mablag‘ining uchdan ikki qismi shu sohalarga yo‘naltirilishi belgilandi.

  • 2022-yil 7-dekabr

    Boshqaruv qo‘mitasi yig‘ilishi

    Muhokamalar sog‘liqni saqlash va ta’lim sohalarini Resurslarni taqsimlash strategiyasi doirasida yanada aniqlashtirishga qaratildi. Kotibiyat ushbu ustuvorliklar hamda Sog‘liqni saqlash va Xalq ta’limi vazirliklarining fikr-mulohazalari asosida strategiya loyihasini tayyorlash topshirig‘ini oldi.

  • 2022-yil 15-dekabr

    Boshqaruv qo‘mitasi yig‘ilishi

    Resurslarni taqsimlash strategiyasi loyihasi muhokama qilindi, Qo‘mita BMT agentliklaridan qo‘shimcha tahlil so‘radi. Fuqarolik jamiyati ishtiroki va CSAC Nizomi bo‘yicha yangilanishlar taqdim etildi. Shveytsariya tomoni Boshqaruv qo‘mitasi qarorlarini muntazam ravishda e’lon qilishni taklif qildi.

  • 2022-yil 16-dekabr

    Boshqaruv qo‘mitasi yig‘ilishi

    Onalar va bolalar salomatligi hamda davlat ta’limi birinchi trancha ustuvor yo‘nalishlari sifatida tasdiqlandi. Qo‘mita kuchli ma’lumotlar va strategik tahlil zarurligini ta’kidladi. Korrupsiyaga qarshi kurash kesimdagi ustuvor yo‘nalish sifatida saqlanib qoladi.

  • 2023-yil 11-yanvar

    Boshqaruv qo‘mitasi yig‘ilishi

    Boshqaruv qo‘mitasi Resurslarni taqsimlash strategiyasini (RAS) qabul qildi. 131 million dollarlik birinchi trancha mablag‘ining uchdan ikki qismi onalar va bolalar o‘limini kamaytirish hamda davlat ta’limi yo‘nalishlariga teng ravishda yo‘naltiriladi. Qolgan qismi kelgusida foydalanish uchun saqlab qo‘yiladi. RAS Oliy darajadagi Strategik qo‘mitaga tasdiqlash uchun yuboriladi.

  • 2023-yil 10-mart

    Boshqaruv qo‘mitasi yig‘ilishi

    Kotibiyat ish rejasining ma’qullanishi va Fuqarolik jamiyati maslahat kengashi (CSAC) bilan aloqalar funksiyasining tasdiqlanishi. Barcha CSAC nomzodlari ma’qullandi. CSAC Nizomi va RAS Oliy darajadagi Strategik qo‘mita tomonidan tasdiqlanishi kutilmoqda.

  • 2023-yil 20-mart

    Oliy darajadagi Strategik qo‘mita yig‘ilishi

    Oliy darajadagi Strategik qo‘mita CSAC Nizomini tasdiqladi. Jamg‘armaning Resurslarni taqsimlash strategiyasi ham hech qanday e’tirozsiz tasdiqlandi.

  • 2023-yil 21-aprel

    Boshqaruv qo‘mitasi yig‘ilishi

    BMT agentliklaridan sog‘liqni saqlash va ta’lim loyihalari g‘oyalari so‘raldi. Shveytsariya tomoni bilan maslahatlashuvlardan so‘ng maxsus BQ yig‘ilishi chaqiriladi. Jahon banki kuzatuvchi sifatida taklif qilinadi. Manfaatlar to‘qnashuvi tartibi loyihasi ko‘rib chiqish uchun tarqatiladi.

  • 2023-yil 1-iyun

    Boshqaruv qo‘mitasi yig‘ilishi

    BQ BMT agentliklaridan RASga muvofiq takliflar kiritishni so‘radi. Takliflar 3–4 namunaviy maktab, maktablarni modernizatsiya qilish, o‘qituvchilarni tayyorlash, “yashil” energiya, AKT, sanitariya va gigiyena (WASH), inklyuzivlik va korrupsiyaga qarshi choralarni qamrab olishi kerak. Infratuzilma bo‘yicha komponentlar qiymati 20 million dollargacha bo‘lishi mumkin.

  • 2023-yil 16-iyun

    Boshqaruv qo‘mitasi yig‘ilishi

    Onalar va perinatal yordam loyihasi taklifi ko‘rib chiqildi. Yangi maktablar qurilishiga 20 million dollarlik chegarani belgilashga qaror qilindi. Qolgan ta’lim mablag‘lari qo‘shimcha faoliyatlarga yo‘naltiriladi. Manfaatlar to‘qnashuvi tartibi qayta ko‘rib chiqiladi. CSAC ishtiroki bo‘yicha yangiliklar berildi.

  • 2023-yil 12-iyul

    Boshqaruv qo‘mitasi yig‘ilishi

    Onalar va perinatal yordam loyihasi yana ko‘rib chiqildi. Yurak operatsiyalarini kiritish taklifi loyihadan tashqarida deb hisoblandi va kelgusi RAS doirasida ko‘rib chiqilishi taklif qilindi. Manfaatlar to‘qnashuvi tartibi elektron pochta orqali qabul qilinadi.

  • 2023-yil 9-avgust

    Boshqaruv qo‘mitasi yig‘ilishi

    Monitoring, baholash va o‘rganish strategiyasi muhokama qilindi. UNICEF’ga boshqaruv va firibgarlikka qarshi mexanizmni taqdim etgani uchun minnatdorchilik bildirildi. Hukumatlar onalar va perinatal yordam loyihasini elektron tarzda tasdiqlash uchun 5 kun so‘radi.

  • 2023-yil 13-sentabr

    Boshqaruv qo‘mitasi yig‘ilishi

    BQ rasmiy ravishda “Har bir ona va bola omon qoladi va gullab-yashnaydi” nomli 43,5 million dollarlik sog‘liqni saqlash loyihasini imzoladi. Loyiha 2023-yil 20-sentabrdan boshlanishi kutilmoqda. Yangilangan Monitoring, baholash va o‘rganish strategiyasi taqdim etilib, qabul qilindi. Kotibiyatka xavflarni boshqarish bo‘yicha maslahatchi jalb qilish topshirig‘i berildi.

  • 2024-yil 10-yanvar

    Boshqaruv qo‘mitasi yig‘ilishi

    Ma’muriy agent moliyaviy holat bo‘yicha ma’lumot berdi va ajratilmagan mablag‘lar bo‘yicha olinayotgan foizlar Jamg‘arma ichida qolishini tasdiqladi. Ta’lim loyihalari bo‘yicha takliflar hali ham kutilmoqda. Jahon banki keyingi Resurslarni taqsimlash strategiyasi uchun to‘rtta g‘oya bilan bo‘lishdi. CSAC Jamg‘armaning ingliz va o‘zbek tillaridagi veb-saytini so‘radi.

  • 2024-yil 27-mart

    Boshqaruv qo‘mitasi yig‘ilishi

    Kotibiyat yangi veb-sayt — ishonch.org — ni o‘zbek va ingliz tillarida, shikoyat mexanizmlariga kirish imkoniyati bilan taqdim etdi. “Ta’limda AKT” loyihasi taqdim etildi. BMT Doimiy Koordinatori kelgusi RAS uchun ehtimoliy yo‘nalishlar bilan o‘rtoqlashdi.

  • 2024-yil 14-may

    Boshqaruv qo‘mitasi yig‘ilishi

    BQ Gulnora Karimova, uning yaqinlari, tanishlari, siyosiy ta’sirga ega shaxslar (PEP) yoki sanksiyalar ro‘yxatiga kiritilgan boshqa shaxslar Jamg‘arma loyihalaridan foyda ko‘rmasligi zarurligini ta’kidladi. Xavf bo‘yicha mutaxassisning tavsiyalarini ko‘rib chiqishga kelishib olindi.

  • 2024-yil 28-iyun

    Loyiha hujjatini imzolash

    Boshqaruv qo‘mitasi rasmiy ravishda 23,5 million dollarlik ta’lim loyihasini — "O‘zbekistonda AKT va raqamli ta’lim orqali ta’limni kuchaytirish" — ni imzoladi. Loyiha 2024-yil 1-avgustdan boshlanishi kutilmoqda.

  • 2024-yil 20-sentabr

    Boshqaruv qo‘mitasi yig‘ilishi

    CSAC nomzodlari muhokama qilindi. “Ta’limda WASH” loyihasi bo‘yicha BQ konsepsiyani ijobiy kutib oldi va quyidagi jihatlarni aniqlashtirishni so‘radi: zaiflik mezonlari, jamoatchilik ishtiroki, “qattiq” va “yumshoq” komponentlar o‘rtasidagi muvozanat.

  • 2024-yil 2-dekabr

    Boshqaruv qo‘mitasi yig‘ilishi

    BMT agentliklari “Ta’limda WASH” loyihasi taklifini taqdim etdi, biroq BQ uni ma’qullamadi. Onalik va perinatal parvarish loyihasi bo‘yicha natija indikatorini o‘zgartirish taklifi berildi, ammo BQ tomonidan tasdiqlanmadi.

  • 2025-yil 5-mart

    Boshqaruv qo‘mitasi yig‘ilishi

    Jamg‘arma darajasidagi matbuot anjumanini rejalashtirishga qaror qilindi. Onalik va perinatal parvarish loyihasidan 20-martgacha to‘liq dasturiy va byudjet o‘zgarishlari so‘raldi. Keyingi RAS bo‘yicha dastlabki muhokamalar boshlandi.

  • 2025-yil 24-aprel

    Almaliqda matbuot anjumani

    Boshqaruv qo‘mitasi Almaliqda restitutsiya bo‘yicha ochiq matbuot anjumanini o‘tkazdi. Undan so‘ng jurnalistlar va blogerlar bilan mahalliy Perinatal markazga tashrif buyurildi.

  • 2025-yil 26-may

    Boshqaruv qo‘mitasi yig‘ilishi

    BQ CSAC nomzodini ma’qulladi. CSAC ishtiroki va uning Nizomiga muvofiqlik baholandi. Jamg‘arma Operatsion qo‘llanmasini qayta ko‘rib chiqish muhokama qilindi. Namangandagi perinatal markazga tashrif rejalashtirildi.

  • 2025-yil 12-iyun

    Boshqaruv qo‘mitasi yig‘ilishi

    Boshqaruv qo‘mitasi xarid jarayonidan tejalgan 9,08 million AQSH dollarini Sog‘liqni saqlash vazirligi tomonidan taqdim etilgan qo‘shimcha uskunalar ro‘yxatiga muvofiq xarid qilishga ruxsat berdi. Naqd pul o‘tkazmalari, shartnomalar va umumiy operatsion xarajatlar byudjeti ham tasdiqlandi.

Boshqaruv

Takliflar ijrochi tashkilotlar tomonidan quyidagi moliyalashtirish darchalari doirasida taqdim etilishi mumkin:

  • Yuqori darajadagi strategik qoʻmita tegishli aktivlarni qaytarish, yaʼni restitutsiya toʻgʻrisida siyosiy muloqotni amalga oshiradi, “Ishonch” jamgʻarmasining tuzilmasi va strategik yoʻnalishi boʻyicha tavsiyalar beradi hamda uning strategik yoʻnalishi ustidan nazoratni ta’minlaydi.

  • Boshqaruv qoʻmitasi “Ishonch” jamgʻarmasini boshqarish uchun mas’ul hisoblanadi. Uning a’zolari ovoz berish huquqiga ega boʻlib, unga Oʻzbekistonning bir vakili, Shveysariyaning bir vakili va BMTning Oʻzbekistondagi doimiy koordinatori hamraislik qiladilar.

  • Kotibiyat Boshqaruv qo‘mitasi va Yuqori darajadagi strategik qo‘mitani qo‘llab-quvvatlaydi hamda Jamg‘armaning kundalik boshqaruvi uchun mas’uldir. Kotibiyat bo‘yicha loyiha hujjati (ProDoc) va xarajatlar haqidagi ma’lumotlarni ko‘ring.

  • BMT Taraqqiyot Dasturining Koʻp-sheriklik trast jamgʻarmasi “Ishonch” jamgʻarmasining ma’muriy agenti hisoblanib, u trast jamgʻarmasi BMT tizimida BMTning koʻp sheriklik maqsadli jamgʻarmalarini loyihalash va boshqarish boʻyicha xizmat koʻrsatuvchi organi hisoblanadi. U “Ishonch” jamgʻarmasiga oʻtkazilgan mablagʻlarni Boshqaruv qoʻmitasi qarorlariga muvofiq boshqaradi.

  • Fuqarolik jamiyati maslahat kengashi milliy va xalqaro fuqarolik jamiyati tashkilotlari va ilmiy doiralar vakillaridan iborat boʻlib, u “Ishonch” jamgʻarmasi va fuqarolik jamiyati oʻrtasidagi oʻzaro hamkorlikda maslahatchi rolini ijro qiladi.

  • Dasturiy faoliyatni amalga oshirish BMTning ijro etuvchi tashkilotlari va Ma’muriy agenti bilan imzolangan memorandumga yoki unga tenglashtirilgan hujjat asosida BMT Ixtisoslashgan agentliklarini oʻz ichiga olgan Ijro etuvchi tashkilotlarning mas’uliyati hisoblanadi. Har bir Ijro etuvchi tashkilot ma’muriy agent tomonidan unga ajratilgan mablagʻlar uchun toʻliq dasturiy va moliyaviy javobgarlikni oʻz zimmasiga oladi. Har bir qoʻshma dastur uchun tayinlangan ishtirokchi/boshqaruvchi agentlik ijro etuvchi tashkilotlar oʻrtasidagi qoʻshma dasturlarni muvofiqlashtirish uchun javobgar boʻladi. Ajratilgan mablagʻlar har bir Ijro etuvchi tashkilot tomonidan oʻz qonun-qoidalari, koʻrsatmalari va tartiblariga muvofiq boshqariladi.

Jamg‘arma boshqaruv tuzilmasi